Admine Admin
Numri i postimeve : 37 Join date : 23/11/2011
| Titulli: Menquria e Ebu Hanifes ne bisede me jobesimtarin..!!! Mon Dec 19, 2011 10:11 am | |
| Nuk ka qenë e rrallë në shekujt e parë të Islamit që të vijë deri te diskutimet shkencore ndërmjet intelektualëve islamë dhe joislamë. Një diskutim të tillë me një rast i filloi sunduesi bizantin, pikërisht në kohën e Ebu Hanifes, duke e dërguar intelektualin e tij më të madh në qytetin e Kufes me tri pyetje.
Halifi i atëhershëm iu ofroi dijetarëve të famshëm islamë që të hyjnë në diskutim me të deleguarin bizantin, por ata ngurruan ta marrin këtë hap. I vetmi që e pranoi këtë sfidë ishte Ebu Hanife. Përndryshe, diskutimet ishin publike dhe në to kanë marrë pjesë shumë kureshtarë. Kur Imam Ebu Hanife hyri në sallë për paraparë për dialog, e pa që dijetari bizantin ishte i ulur në një lloj minberi, të paraparë vetëm për njerëz të mëdhenj. Ebu Hanife iu afrua dhe e pyeti: - A ju keni ardhur të pyesni? - Ai iu përgjigj: Po! Atëherë Ebu Hanife i tha të zbresë nga ai vend, sepse vendi është i paraparë për ata nga të cilët kërkohet zgjidhje dhe përgjigje, e jo për ata të cilët pyesin! Bizantinasi, pa koment, e pranoi vërejtjen dhe kur Ebu Hanife u ulë në këtë vend, e ftoi që të fillojë me pyetjen e parë: - Ç’ka ekzistuar para Zotit?!- ishte pyetja e dijetarit bizantin. Ebu Hanife në vend të përgjigjes, e pyet: - A merrni vesh ju sadopak në matematikë?! Ai, i habitur, u përgjigj: - Gjithsesi që marr vesh! Ebu Hanife sërish e pyeti: A ka ndonjë numër para numrit një? Bizantini u përgjigj: Jo. Ai është i pari dhe para tij nuk ka asgjë. Vetëm atëherë Ebu Hanife iu përgjigj: Kur para numrit një nuk ka asgjë, e si të ketë diç para Një, të Vetmit Allah! Atëherë ai e shtroi pyetjen e dytë: Ku gjendet Zoti, në cilin vend dhe në cilën anë? Ebu Hanife sërish e pyeti: - Më thoni ju, kur e ndizni qiriun, në cilën anë ai e hedhë dritën? Bizantini u përgjigj: - Në të gjitha anët barabartë! Ebu Hanife atëherë iu përgjigj: - Kur në rastin e qiriut, të cilën e ka sajuar robi i ngratë e Allahut, nuk mund ta përcaktoni anën në të cilën qiriu e hedhë dritën, si atëherë, këtë mund ta bëni me Krijuesin e qiellit, Tokës dhe çdo gjëje që e ka krijuar Ai! Pas kësaj përfaqësuesi bizantin kaloi edhe në pyetjen e tretë, e cila ishte: - Ç’punon Zoti aktualisht, në këtë çast? Ebu Hanife iu përgjigj qetësisht: - I zbret nga minberi dhe i nënçmon jobesimtarët siç jeni Ju, kurse e ngre lart autoritetin e besimtarëve, siç jam unë. Pas kësaj dijetari bizantin i mblodhi gjësendet e tij dhe i humbur u kthye në atdheun e tij. Burim Sherifi | |
|